AKTUALITET
U hodh bashkë me fëmijën 1 vjeç nga kati i 5-të, merret në pyetje bashkëshorti dhe familjarët e 34-vjeçares në Vlorë, ja çfarë thonë dëshmitarët
Ngjarja e rëndë ditën e sotme në Vlorë ku 34-vjeçarja, Pamela Mërtiri i dha fund jetës bashkë me fëmijën e saj 1-vjeç, duke u hedhur nga kati i pestë i një pallati, tronditi jo vetëm qytetin, por mbarë opinionin publik.
Pas ngjarjes tronditëse, mësohet se janë marrë në pyetje familjarët dhe bashkëshorti i saj. Policia po heton për të zbardhur ngjarjen e rëndë, ndërsa pista kryesore është ajo e konflikteve brenda familjes, pasi 34 vjeçarja kohët e fundit kishte hequr nga rrjetet sociale fotografitë me bashkëshortin e saj.
Dëshmitarë në vendngjarje bëjnë me dije se e ndjera ka shfaqur shqetësime dhe ndodhej në gjendje të rënduar psikologjike, si dhe kishte lënë punën.
