Vdekja e 4 rusëve në Qerret, Prokuroria e Kavajës jep informacion: Disponojmë një serë provash!
Prokuroria e Kavajë ka dhënë informacion zyrtar për vdekjen misterioze të 4 turiëstëve rus në një resort në këtë qytet.
Prokuroria thotë se ka regjistruar procedimin penal për vdekjen e rusëve në mjediset e SPA të hotel “Gloria Palace”, si dhe disponon një serë provash, të cilat nuk i bën publike deri në përfundim të hetimeve. Po ashtu janë marrë deklarimet e personave që kanë dijeni për ngjarjen e rëndë.
“Në përgjigje të interesimit të medias informojmë opinionin publik se deri në këtë fazë të hetimit në dinamikë janë administruar një sërë aktesh e provash në funksion të çështjes të cilat janë në verifikim nga ana e prokurorisë.
Janë marrë gjithashtu deklarimet e personave që kanë dijeni për veprën penale.Të gjitha këto prova po vlerësohen në raport me njëra-tjetrën për të përcaktuar dhe ecurinë e mëtejshme të hetimit”, thuhet në njoftimin e prokurorisë.
Kujtojmë se Natalia Burenkova, 58 vjeç, Sergei Burenkova, 60 vjeç, dhëndri i tyre Nikita Belousov, 37 vjeç dhe vajza Ekaterina Burenkova, 31 vjeçe, u gjetën të pajetë pak javë më parë në një hotel në Qerret të Kavajës.
