MOTITË NDRYSHME
Vranësira të shumta në të gjithë territorin e vendit, cilat zona rrezikojnë të kenë reshje shiu dhe dëbore ditën e sotme
Vlerat e ulëta barike do të kushtëzojnë sot mot kryesisht të vranët në të gjithë vendin. Vranësirat më të shpeshta do të paraqiten në qendër dhe në jug të territorit duke rrezikuar rreshje të dobëta shiu dhe reshje dëbore në zonat malore të vendit.
Orët e pasdites do të sjellin kthjellime, të cilat do të rikthehen në mbrëmje duke krijuar mundësi për reshje të pakta shiu në jug të vendit.
Temperaturat e ajrit do të luhaten në orët e mëngjesit dhe pasdites duke arritur në vlerat 5 gradë deri në 24 gradë celcius.
Era do të fryjë me 50km/orë kryesisht nga drejtimi verior-verilindor duke sjellë në bregdet dallëgëzim deri në 4 ballë.
