Vuante nga sëmundja e rëndë, ndërron jetë vëllai i Lefter Kokës
Ish ministri Lefter Koka ka humbur njeriun e tij të dashur, vëllain, i cili nuk ia doli të luftonte një sëmundje të rëndë.
Këtë e bën të ditur vetë Koka përmes një njoftimi në rrjete sociale ku bën me dije se vëllai, Iliri ishte fjalëpak e punëshumë dhe nuk u lodh kurrë duke mëkatuar mirësi e respekt.
“Me hidhërim të thellë, njoftoj ndarjen nga jeta të vëllait tim, Ilirit, pas një beteje të gjatë nga një sëmundje e rëndë!
Liri, ishte vëllai i madh ndër pesë fëmijët, duke qënë shtylla jonë ku u mbështetëm, e kurrë nuk u lodh duke na mëkuar mirësi e respekt. Iliri ynë fjalëpak e punëshumë, ishte udhërrëfyesi ynë, por edhe simboli i urtësisë e qytetarisë për të gjithë ata që e njohën dhe rrugëtuan përkrahë në të gjallë të tij!
Përcjellja për në banesën e fundit bëhet në orën 14:00, te varrezat e reja të qytetit. Familja Koka”,shkruan ish ministri në Facebook.
