Xhiruan “Picasso-n” te muzeu i Korçës, padi për vëllezërit Veshaj dhe Elgid Dodën: Dëmtuan ikonat
Kënga e fundit “Picasso” e vëllezërve Veshaj në bashkëpunim me Elgit Dodën mund t’u kushtojë atyre shumë shtrenjtë. Avokati në Korçë, Esmerald Xhafa ka paralajmëruar këngëtarët në fjalë se do të përballen me drejtësinë, teksa ka bërë të ditur se do të padisë ministrinë e Kulturës, Drejtorin e muzeut kombëtar të Artit Mesjetar dhe Drejtorin e Muzeut të Fotografisë, Gjon Mili.
Sipas avokatit regjistrimi i videoklipit të këngës “Picasso” në Muzeun Mesjetar të Korçës ka dëmtuar ikonat. Avokati thotë se këngëtarët dhe organizatorët duhet të mbajnë përgjegjësi administrative sipas parashikimit të ligjit për trashëgiminë kulturore dhe muzeut. E gjithë padia vjen pasi në videoklip ka pasur skena të nxehta ku vëllezërit Veshaj dhe Elgid Doda kanë bërë në Muzeun e Korçës para ikonave të Kishës
