AKTUALITETFIERI YNË TVSTAR CHANNEL
112-Vjetori i Pavarësisë festohet në Fier me një ceremoni festive kuq e zi
Fier, 28 Nëntor 2024 – Në një atmosferë festive, qyteti i Fierit kremtoi 112-vjetorin e Pavarësisë së Shqipërisë. Në ceremoninë e organizuar me këtë rast morën pjesë autoritetet më të larta vendore, deputetë dhe Drejtuesja Politike e Qarkut Fier, znj. Belinda Balluku.
Ceremonia përfshiu ngritjen e flamurit kombëtar dhe vendosjen e kurorave me lule pranë memorialit historik të ngritjes së flamurit. Në fjalën e tyre për mediat, kryebashkiaku Armando Subashi dhe zv/kryeministrja Balluku theksuan sakrificat dhe guximin e të parëve në përpjekjet për liri dhe pavarësi.
Megjithatë, edhe këtë vit opozita zgjodhi të mos marrë pjesë në ceremoninë festive, një vendim që nuk kaloi pa u vënë re.
