15 efektivë në Vlorë rezultojnë pozitivë në testin e drogës
15 efektivë të Policisë në Vlorë kanë rezultuar pozitivë në testin e drogës që u është bërë së fundmi.
Këta efektivë u janë bashkuar 12 kolegëve të tyre në Shkodër dhe 11 të tjerëve në Tiranë, që kishin rezultuar më herët përdorues të lëndëve narkotike. Disa prej tyre kanë kundërshtuar rezultatin e testimit, duke e konsideruar si të gabuar.
Ata janë të moshave 50 vjeç dhe nuk shprehin besimin tek vërtetësia e testit. Ata shprehen se nuk kanë pirë kurrë lënde narkotike, por vetëm duhan dhe se do të bënin padi ndaj klinikës. Efektivët janë shprehur se testin e drogës do ta bëjnë vet në disa klinika për të vërtetuar të kundërtën.
Testimi ka nisur në të gjithë vendin, në mënyrë rastësore dhe do të jetë periodik, pas urdhrit të dhënë nga drejtori i ri i Policisë së Shtetit, Gledis Nano. Ky i fundit ka urdhëruar që efektivët që dalin si përdorues droge, të pushohen menjëherë nga puna.
