KRONIKËSTAR CHANNEL
Dy pista për automjetin e djegur në Qafën e Llogarasë: Vetëvrasje ose atentat
Një automjet tip BMW është përfshirë nga flakët në Qafën e Llogarasë, në zonën që të çon drejt antenave. Brenda mjetit është gjetur trupi i një personi të pajetë.
Shërbimet zjarrfikëse kanë bërë të mundur shuarjen e flakëve, ndërsa automjeti është shkrumbuar plotësisht dhe targa e tij nuk ka qenë e identifikueshme.
Reklama në FieriWeb - “PIZZA ITALIA FIER”
Pak minuta më vonë ka mbërritur policia, e cila po kryen veprimet hetimore për zbardhjen e rrethanave të ngjarjes. Viktima ende nuk është identifikuar, por dyshohet të jetë rreth moshës 30–35 vjeç.
Sipas informacioneve paraprake, policia po heton ngjarjen në dy pista kryesore: vetëvrasje ose atentat, dhe më pas djegia e makinës për të fshirë gjurmët.
