Situata në qarkun e Fierit pa problematika, strukturat në gatishmëri
Sipas informacionit zyrtar të orës 18:00, datë 06.01.2026, nga strukturat vendore të Mbrojtjes Civile dhe Salla Operative e Drejtorisë Vendore të Policisë Fier, deri në këto momente nuk janë raportuar situata problematike apo emergjente në qarkun Fier.
Akset rrugore janë të gjitha të aksesueshme normalisht, ndërsa furnizimi me energji elektrike dhe ujë të pijshëm vijon pa ndërprerje.
Hidrovorët ndodhen në gatishmëri të plotë pune. Nivelet e lumenjve Vjosë, Seman dhe Shkumbin janë në kuota normale, megjithëse në lumin Vjosë vërehet një tendencë në rritje e prurjeve.
Strukturat përkatëse vendore janë informuar mbi parashikimin e reshjeve për 5 ditët në vijim dhe është kërkuar rritja e gatishmërisë për përballimin e çdo situate të mundshme emergjente.
Situata vijon të mbahet në monitorim nga autoritetet përkatëse.
