AKTUALITETSTAR CHANNEL
Prurjet e shtuara të Vjosës sjellin kufizime në furnizimin me ujë në Fier
Shoqëria Rajonale Ujësjellës-Kanalizime Fier sh.a ka njoftuar se, si pasojë e prurjeve të shtuara të lumit Vjosë dhe rritjes së nivelit të ujërave nëntokësore, janë krijuar presione që kanë prekur disa nga puset që furnizojnë me ujë Njësinë Administrative Fier.
Për shkak të kësaj situate, do të ketë kufizime në furnizimin me ujë të pijshëm, duke nisur nga ora 16:00 e ditës së sotme dhe deri në një njoftim të dytë.
Reklama në FieriWeb - “PIZZA ITALIA FIER”
Sipas njoftimit zyrtar, ekipet teknike të shoqërisë janë në terren dhe po punojnë intensivisht për normalizimin sa më të shpejtë të furnizimit me ujë.
Ujësjellës-Kanalizime Fier u bën thirrje qytetarëve për mirëkuptim dhe bashkëpunim gjatë kësaj periudhe, duke siguruar se situata po monitorohet në mënyrë të vazhdueshme.
