AKTUALITETSTAR CHANNEL
Fier | Kryebashkiaku Armando Subashi në terren, ndërhyrje emergjente në argjinaturën e Çervenit
Kryebashkiaku i Fierit, Armando Subashi, së bashku me strukturat e Emergjencave Civile të bashkisë, ndodhen në terren duke monitoruar nga afër situatën e krijuar si pasojë e reshjeve intensive. Autoritetet janë përqendruar përgjatë argjinaturës së Çervenit, ku dy fadroma dhe mjete të tonazhit të rëndë po punojnë pa ndërprerje për riparimin e disa segmenteve të rrezikuara nga dalja e lumit Vjosë.
Reshjet vijojnë të bien me intensitet të lartë, duke e bërë situatën shqetësuese dhe duke kërkuar vigjilencë maksimale. Bashkia Fier dhe strukturat përkatëse janë në gatishmëri të plotë për të ndërhyrë menjëherë, me qëllim parandalimin e përmbytjeve dhe garantimin e sigurisë së banorëve të zonave të rrezikuara.
Reklama në FieriWeb - “PIZZA ITALIA FIER”
