KRONIKËSTAR CHANNEL
Humbja e bashkëshortes dyshohet shkak, 61-vjeçari vetëvritet në Vashtëmi
Detaje të reja janë zbardhur nga ngjarja e rëndë e ndodhur në fshatin Vashtëmi, bashkia Maliq, ku një 61-vjeçar i ka dhënë fund jetës duke u vetëvrarë me armë zjarri. Sipas informacioneve paraprake, shkak për aktin e rëndë është bërë gjendja e rënduar emocionale e viktimës, pasi tre muaj më parë kishte humbur bashkëshorten.
Viktima jetonte me nënën e tij në fshat, ndërsa fëmijët ndodhen jashtë shtetit. Trupi i pajetë u gjet brenda banesës nga nëna e tij. Autoritetet lokale po vazhdojnë hetimet për zbardhjen e plotë të rrethanave të ngjarjes.
Reklama në FieriWeb - “PIZZA ITALIA FIER”
Ngjarja ka shkaktuar tronditje në komunitetin lokal, ndërsa institucione të ndryshme po bëjnë apel për kujdes dhe mbështetje për persona që kalojnë periudha të vështira emocionale dhe psikologjike.
