AKSIDENT NË RRUGËN “SKËNDERBEU” NË FIER, MAKINA PËRPLASET ME MOTORIN – NJË I PLAGOSUR
FOTO ILUSTRUESE
Një aksident rrugor është regjistruar në Rruga Skënderbeu, në Fier, ku një automjet është përplasur me një motor.
Në vendngjarje është konstatuar automjeti tip “Volkswagen”, me drejtues shtetasin E.H, si dhe motori tip “Dayang”, me drejtues shtetasin M.L.
Si pasojë e përplasjes, drejtuesi i motorit ka mbetur i plagosur dhe është dërguar me urgjencë në spital. Sipas informacioneve paraprake, ai ka pësuar frakturë në këmbë dhe ndodhet nën kujdesin e mjekëve.
Në vendngjarje kanë mbërritur shërbimet e Policisë, të cilat po punojnë për sqarimin e plotë të rrethanave të aksidentit.
Njoftimi i Policisë Fier:
Drejtoria Vendore e Policisë Fier
Specialistët e Qarkullimit Rrugor të DVP Fier referuan materialet në Prokurori ku nisi procedimi penal për shtetasin M. L., 47 vjeç, banues në Fier, pasi duke drejtuar motomjetin pa leje drejtimi, është përplasur me një automjet me drejtues shtetasin E. H., 25 vjeç. Aktualisht shtetasi M. L., ndodhet në spital për ndihmë mjekësore, jashtë rrezikut për jetën.
Materialet procedurale iu referuan Prokurorisë së Fierit për veprime të mëtejshme.m
