POLITIKËSTAR CHANNEL
EMRAT/ “Tërmet” në Qeveri! Edi Rama shkarkon disa ministra dhe riemëron të tjerë, ja lëvizjet
Ndryshime të rëndësishme janë bërë mbrëmjen e sotme në Qeverinë e vendit. Kryeministri Edi Rama ka vendosur të shkarkojë disa prej ministrave të kabinetit, duke sjellë një ristrukturim të gjerë në disa prej dikastereve kyçe.
Sipas informacioneve, ndryshimet përfshijnë poste të rëndësishme si Ministria e Infrastrukturës dhe Energjitikës, Ministria e Brendshme, Drejtësia, Mbrojtja dhe Ministria për Marrëdhëniet me Parlamentin.
Ndryshimet në Qeveri:
- Belinda Balluku largohet nga detyra si Ministre e Infrastrukturës dhe Energjitikës dhe zëvendësohet nga Enea Karakaçi.
- Albana Koçiu emërohet zëvendëskryeministre.
- Besfort Lamallari emërohet Ministër i Brendshëm, duke zëvendësuar Albana Koçiun.
- Toni Gogu merr postin e Ministrit të Drejtësisë, në vend të Besfort Lamallarit.
- Ferit Hoxha emërohet Ministër për Evropën dhe Punët e Jashtme, ndërsa largohet nga detyra Elisa Spiropali.
- Ermal Nufi emërohet Ministër i Mbrojtjes, duke zëvendësuar Pirro Vengu.
- Eriona Ismaili emërohet Ministre për Marrëdhëniet me Parlamentin, duke zëvendësuar Toni Gogun.
Pritet që në orët në vijim të ketë reagime zyrtare dhe detaje të tjera lidhur me arsyet e këtij riformatimi të gjerë të kabinetit qeveritar.
