KRONIKËSTAR CHANNEL
E rëndë në Fier/ 60-vjeçari gjendet pa ndjenja në mes të qytetit, me shenja dhune në trup
Një 60-vjeçar i identifikuar si Qirjako Ferti është gjetur pa ndjenja mëngjesin e sotëm në qendër të qytetit të Fierit, me shenja të dukshme dhune në trup.
Kanë qenë kalimtarët e rastit ata që kanë dhënë alarmin, duke njoftuar menjëherë ambulancën. I moshuari është transportuar me urgjencë drejt Spitalit Rajonal Fier, ku po merr ndihmën mjekësore të nevojshme.
Reklama në FieriWeb - “PIZZA ITALIA FIER”
Sipas burimeve nga bluzat e bardha, 60-vjeçari, i cili vuan nga probleme të shëndetit mendor, është paraqitur edhe një javë më parë në urgjencë në gjendje të rënduar shëndetësore.
Ndërkohë, policia ka nisur hetimet për të sqaruar rrethanat e ngjarjes dhe për të përcaktuar nëse ai është dhunuar nga persona të tjerë apo nëse dëmtimet mund të jenë shkaktuar në rrethana të tjera.
