Garda Revolucionare Iraniane pretendon se ka goditur zyrën e Netanyahu-t dhe selinë e Forcave Ajrore Izraelite
Garda Revolucionare Islamike deklaroi se në valën e fundit të sulmeve me raketa ka shënjestruar zyrën e kryeministrit izraelit, Benjamin Netanyahu, si edhe selinë e komandantit të Forcave Ajrore Izraelite.
Sipas raportimit të Agjencia e lajmeve Tasnim, “zyra e kryeministrit kriminel të regjimit sionist dhe selia e komandantit të Forcave Ajrore të regjimit u sulmuan dhe u dëmtuan rëndë nga forcat e armatosura të Republikës Islamike në sulme të synuara dhe të papritura me raketa Khyber në valën e dhjetë”.
Agjencia shton se “fati i kryeministrit të regjimit sionist është në një re pasigurie”. Deri më tani nuk ka konfirmim zyrtar nga pala izraelite mbi dëmet e pretenduara, ndërsa nuk dihet nëse Netanyahu ka qenë në zyrë në momentin e sulmit.
Sipas deklaratave iraniane, sulmet vijnë si hakmarrje pas një operacioni ushtarak të kryer nga Izraeli dhe Shtetet e Bashkuara ndaj Iranit. Teherani pretendon se deri më tani ka ndërmarrë dhjetë valë sulmesh me raketa dhe dronë kundër objektivave izraelite dhe bazave rajonale amerikane.
Situata në rajon mbetet e tensionuar, ndërsa priten reagime dhe konfirmime të mëtejshme nga autoritetet përkatëse.
