Policia e Fierit procedon 3 shtetas për shkelje të ndryshme
Drejtoria Vendore e Policisë Fier ka referuar disa raste në Prokurori për vepra të ndryshme penale.
Specialistët e Qarkullimit Rrugor referuan materialet në Prokurori dhe nisi procedimi penal për shtetasin F. Sh., 42 vjeç, banues në fshatin Shegas, pasi u kap duke drejtuar motomjetin pa leje drejtimi.
Ndërkohë, specialistët për Hetimin e Krimeve të Komisariatit të Policisë Fier nisën procedim penal për shtetasin E. G., 30 vjeç, banues në fshatin Daullas, pasi dyshohet se ka ushtruar dhunë ndaj babait të tij.
Po ashtu, në Spitalin Rajonal të Fierit është paraqitur shtetasi K. G., 59 vjeç, banues në Fier, i cili në gjendje të dehur ka dëmtuar lehtë veten me mjet prerës (thikë). Ai ka marrë mjekim dhe më pas është larguar për në banesë.
Materialet procedurale i janë referuar Prokurorisë së Fierit për veprime të mëtejshme.
