“Ku është se do ta vras?” Detaje nga arrestimi i këngëtarit Gjesti në Prishtinë.
Detaje të reja kanë dalë në dritë lidhur me arrestimin e artistit kosovar Besart Kelmendi, i cili u ndalua nga autoritetet në Prishtinë.
Sipas informacioneve paraprake, ngjarja ka ndodhur rreth orës 15:00 në rrugën “Mehmet Isahi”, ku këngëtari dyshohet se ka shkuar pranë një biznesi me armë zjarri në dorë, duke kërkuar pronarin e lokalit dhe duke e kërcënuar.
Gjatë momentit të tensionuar, ai dyshohet se ka thyer edhe xhamat e biznesit, duke shkaktuar panik te personat që ndodheshin aty. Pas njoftimit të bërë nga qytetarët, në vendngjarje kanë mbërritur menjëherë patrullat e Policia e Kosovës.
Forcat e policisë kanë bërë neutralizimin dhe ndalimin e këngëtarit, ndërsa gjatë kontrollit iu gjet dhe sekuestrua arma e zjarrit, e cila dyshohet se mbahej pa leje.
Pas shoqërimit në stacionin policor, me urdhër të prokurorit të shtetit, Besart Kelmendi është vendosur në mbajtje për 48 orë, ndërsa hetimet vijojnë për të zbardhur motivet e konfliktit dhe rrethanat e plota të incidentit.
