Të shtënat me armë zjarri në Sarandë! U qëllua nga një automjet, si ndodhi konflikti. Shoqërohen në polici dy adoleshentë
SARANDË- Një konflikt mes grupeve adoleshentësh dyshohet se fshihet pas të shtënave me armë zjarri mbrëmjen e djeshme në Sarandë.
Ngjarja ndodhi rreth orës 22.50 në rrugën “Karl Topia”, ku dyshohet se nga një automjet u qëllua me armë zjarri të llojit Kallashnikov.
Sipas burimeve policore, të shtënat kanë ardhur pas një konflikti verbal mes tre personave më një të katërt, të gjithë adoleshentë. Policia gjatë gjithë natës ka kryer kontrolle për kapjen e të dyshuarve dhe gjetjen e armës së zjarrit. Ndërsa kanë shoqëruar dy adoleshentë.
Paraprakisht mendohet se konflikti i mbrëmshëm është vazhdim i një ngjarjeje tjetër të ndodhur ditën e shtunë, kur një konflikt fizik në rrugën “Flamuri” të lagjes nr. 1 të qytetit me disa adoleshentësh, përfundoi me një të dëmtuar që mori mjekim në spital.
