KRONIKËSTAR CHANNEL
Aksident në Fier/ Përplasen “Audi” dhe një kamionçinë në rrugën drejt Baltëzës, tre të lënduar
Një aksident rrugor është regjistruar pak minuta më parë në rrugën dytësore që të çon drejt fshatit Baltëz, në Fier.
Sipas informacioneve paraprake, një automjet tip “Audi”, me drejtues shtetasin R.M, është përplasur me një automjet tip “Nissan” kamionçinë, me drejtues shtetasin A.H.
Reklama në FieriWeb - “PIZZA ITALIA FIER”
Si pasojë e përplasjes së fortë, drejtuesi i kamionçinës dhe dy pasagjerët që ndodheshin në mjet kanë mbetur të lënduar. Ata janë transportuar me urgjencë drejt Spitalit Rajonal Fier, ku po marrin ndihmën mjekësore dhe ndodhen jashtë rrezikut për jetën.
Në vendngjarje kanë mbërritur menjëherë shërbimet e policisë dhe grupi hetimor, të cilët po punojnë për zbardhjen e plotë të rrethanave të aksidentit.
