“Ora luksoze mijëra euro për Taulantin”/ Reagon Balla: Fake news! Do e kallëzoj penalisht gazetarin Çim Peka.
Një fotografi e publikuar nga gazetari Çim Peka, me aludimin se personi që shkëmben mesazhe me një të panjohur dhe që i ofron një orë luksoze është Taulant Balla, ka ndezur një debat dhe reagime të shumta në rrjetet sociale.
Kjo ka nxitur edhe një reagim të kreut të Grupit Parlamentar të PS, i cili i pyetur nga Newsbomb, ka deklaruar se gjitha është një lajm i rremë që nuk ka aspak lidhje me të.
“Është një fake news, sepse ai nuk është telefoni im”, është shprehur Taulant Balla, duke theksuar për redaksinë se do të kallëzojë penalisht Pekën, ndërsa e sfidon që të publikojë fotografinë e plotë.
“Do e kallëzoj penalisht Qimin. Le të nxjerrë foton e plotë dhe del kush është. Si mund të nxjerrësh një ekran celulari dhe të thuash ky që shkruan është Taulant Balla”.
Akuza në fjalë u bë nga gazetari Çim Peka në emisionin e tij Çim Peka Livenë SYRI TV.
Ai tregoi një foto, të pretenduar të kapur në celularin e Ballës, e cila tregon një orë luksoze mijëra euro me personin e panjohur që i thotë kreut të Grupit Parlamentar të PS: “e meriton pas asaj dite“.
Biseda e pretenduar në celular:
-Taulant Balla: Po pra është e papame
– Personi i panjohur: E meriton pas asaj dite
– Taulant Balla: Dhe do Zoti duhet të ketë të tjera
– Personi i panjohur: Ashtu të… të nisë diçka që më thuaj se kjo është e imja..
– Taulant Balla: Po
