Aksident në aeroportin e New York-ut, avioni me pasagjerë përplaset me zjarrfikësen në pistë, humbin jetën dy pilotët
Dy pilotë humbën jetën dhe dy persona të tjerë u plagosën pas një përplasjeje mes një avioni pasagjerësh dhe një kamioni zjarrfikës në LaGuardia Airport në New York, duke çuar në mbylljen e aeroportit dhe ndërprerjen e fluturimeve.
Sipas autoriteteve, avioni i Air Canada Express, i operuar nga Jazz Aviation, u përplas me një automjet zjarrfikëse rreth orës 23:40, ndërsa po lëvizte në pistë. Avioni po kryente fluturimin nga Montreali dhe kishte në bord 72 pasagjerë dhe katër anëtarë ekuipazhi.
Zyrtarët e zbatimit të ligjit konfirmuan se piloti dhe bashkëpiloti humbën jetën, ndërsa dy persona që ndodheshin në kamionin zjarrfikës mbetën të plagosur. Automjeti ishte në përgjigje të një incidenti tjetër emergjent në aeroport kur ndodhi përplasja.
Avioni, një model CRJ 900 me rreth 70–90 persona në bord, pësoi dëme të konsiderueshme. Mediat lokale raportojnë për disa persona të plagosur, megjithëse autoritetet nuk kanë dhënë ende një bilanc zyrtar.
Autoritetet kanë nisur hetimet për të përcaktuar shkaqet e përplasjes, ndërsa udhëtarët përballen me anulime dhe vonesa të shumta.
