Berberët S’mund Të Deklarojnë Paga Nën 75 000 Lekë Në Muaj, Tatimet Publikojnë Listën E Pagave Indikative Për Sektorin Mjekësor E Estetik
Administrata Tatimore ka publikuar listën e pagave indikative për sektorin mjekësor dhe estetik.
Berberët nuk mund të deklarojnë paga më të ulëta se 75.000 lekë në muaj. Ndërkaq, instruktorët personalë në palestra nuk mund të deklarojnë paga nën 120.000 në muaj.
Sipas njoftimit të Administratës Tatimore, “kjo listë do të shërbejë si një instrument referues për analizën e riskut, me qëllim identifikimin e rasteve të mundshme të mosdeklarimit të pagave reale të punonjësve”.
“Tatimpaguesit që deklarojnë paga nën nivelin e pagave indikative për profesionet përkatëse, apo që ndryshojnë kategorizimin e profesionit të punonjësit me qëllim deklarimin e një page më të ulët, do të konsiderohen me risk dhe do të jenë objekt verifikimi nga strukturat e specializuara të Administratës Tatimore”, vijon njoftimi.
