Aksident në qendër të Fiersheganit, plagoset rëndë 65-vjeçari me motoçikletë
Një aksident rrugor ka ndodhur në qendër të Fiersheganit, ku një motoçikletë është përplasur me një automjet tip Benz. Si pasojë e përplasjes, është dëmtuar rëndë drejtuesi i motoçikletës, një 65-vjeçar nga fshati Toshkëz.
I plagosuri është transportuar me urgjencë nga ambulanca drejt spitalit të Lushnjes, ku po merr ndihmën mjekësore.
Në vendngjarje ndodhet Policia Rrugore, e cila po merret me disiplinimin e trafikut, ndërsa pritet mbërritja e grupit hetimor për kryerjen e ekspertizës dhe dokumentimin e plotë të ngjarjes.
Sipas të dhënave të para, dyshohet se automjeti tip Benz i ka prerë rrugën motoçikletës. Burime nga vendi i ngjarjes bëjnë me dije se 65-vjeçari kishte vendosur kaskën mbrojtëse, çka dyshohet se i ka shpëtuar jetën nga përplasja e fortë.
