Aksident në Fier/ Motorçikleta përplaset me dy automjete, ndalohet drejtuesi
Një aksident rrugor ka ndodhur pak minuta më parë në qytetin e Fierit ne vendin e quajtur kryqëzimi i sharrës, duke shkaktuar panik dhe ndërhyrje të menjëhershme të policisë.
Sipas burimeve paraprake, një motorçikletë është përplasur fillimisht me një automjet dhe më pas është larguar nga vendi i ngjarjes pa ndaluar. Në tentativë për t’u larguar, drejtuesi i motorçikletës është përfshirë në një përplasje të dytë me një tjetër automjet.
Në vendngjarje kanë mbërritur menjëherë shërbimet e policisë, të cilat kanë bërë të mundur ndalimin dhe shoqërimin e drejtuesit të motorçikletës.
Deri në këto momente nuk ka një njoftim zyrtar lidhur me gjendjen e personave të përfshirë në aksident. Burime jozyrtare bëjnë me dije se drejtuesi i motorçikletës është ngritur në këmbë dhe ka deklaruar se nuk ka goditur askënd tjetër.
Pritet që Drejtoria Vendore e Policisë Fier të dalë me një komunikatë zyrtare për të sqaruar rrethanat e plota të aksidentit dhe për të konfirmuar nëse ka persona të lënduar.
