KRONIKËSTAR CHANNEL
Ngjarje e rëndë në Vlorë, gjendet e mbytur 32-vjeçarja, trupi u konstatua nga bashkëshorti i saj

Një ngjarje e rëndë është regjistruar në zonën e Plazhit të Vjetër në Vlorë, ku një 32-vjeçare është gjetur pa shenja jete në det.
Sipas informacioneve paraprake, e reja ishte larguar nga banesa, ndërsa familjarët, të shqetësuar për mungesën e saj, kishin denoncuar rastin dhe kishin nisur kërkimet në bashkëpunim me Policinë.
Pas disa orësh kërkime, trupi i pajetë i 32-vjeçares është gjetur në zonën bregdetare të Plazhit të Vjetër.
Nga të dhënat e para dyshohet se bëhet fjalë për vetëvrasje, ndërsa grupi hetimor po vijon punën për zbardhjen e plotë të rrethanave të ngjarjes.




