KRONIKËSTAR CHANNEL
Aksident në aksin Fier–Seman, plagosen dy drejtues mjetesh
Një aksident rrugor është regjistruar mesditën e sotme në aksin Fier–Seman, pranë fshatit Ferma Çlirim.
Sipas informacioneve paraprake, në aksident janë përfshirë dy automjete, të cilat janë përplasur me njëra-tjetrën. Si pasojë e përplasjes, të dy drejtuesit e mjeteve kanë mbetur të plagosur.
Reklama në FieriWeb - “PIZZA ITALIA FIER”
Të lënduarit janë transportuar me autoambulancë drejt Spitalit Rajonal të Fierit, ku po marrin ndihmën e nevojshme mjekësore. Burime nga spitali bëjnë me dije se të dy të plagosurit ndodhen jashtë rrezikut për jetën.
Në vendngjarje kanë mbërritur shërbimet e Policisë, të cilat po kryejnë veprimet procedurale për zbardhjen e plotë të rrethanave dhe shkaqeve të aksidentit, ndërsa po punohet edhe për normalizimin e qarkullimit në këtë segment rrugor.
