Hiti i ri i Encës “pushton” rrjetin, Bojken Pellumbi merr zyrtarisht menaxhimin e artistes
Kënga më e fundit e këngëtares Enca po kthehet në një fenomen në rrjetet sociale, duke grumbulluar mijëra reagime dhe shpërndarje vetëm pak kohë pas publikimit. Projekti muzikor po komentohet gjerësisht nga fansat, duke u renditur ndër hitet më të dëgjuara të momentit.
Paralelisht me suksesin e këngës, vëmendje ka tërhequr edhe zhvillimi më i ri në karrierën e artistes. Bojken Pellumbi ka marrë zyrtarisht menaxhimin artistik të Encës, duke nisur një bashkëpunim që synon të sjellë një etapë të re në rrugëtimin e saj profesional.
Ky bashkëpunim vjen në një moment të rëndësishëm për këngëtaren, e cila po shijon suksesin e projektit të saj më të fundit. Me plane për projekte të reja muzikore, pritshmëritë janë që partneriteti me Bojken Pellumbin të ndikojë pozitivisht në zhvillimin e mëtejshëm të karrierës së Encës.
