Zjarr i fuqishëm përfshin një apartament në rrugën Transballkanike në Vlorë

Një zjarr është regjistruar mesditën e sotme në një pallat në rrugën Transballkanike në Vlorë, ku flakët kanë përfshirë një apartament në katin e tretë.

Tymi i dendur dhe flakët kanë alarmuar banorët e pallatit, të cilët kanë dalë menjëherë jashtë banesave për shkak të rrezikut.

Reklama në FieriWeb - “”

Pas njoftimit, në vendngjarje kanë mbërritur forcat zjarrfikëse, të cilat kanë ndërhyrë për izolimin dhe shuarjen e flakëve, duke shmangur përhapjen e zjarrit në apartamentet e tjera.

Deri më tani nuk raportohet për persona të lënduar, ndërsa shkaqet e zjarrit mbeten ende të paqarta. Policia ndodhet në vendngjarje dhe ka rrethuar zonën për të lehtësuar punën e shërbimit zjarrfikës.

Reklama në FieriWeb - "ARGJENDARI ILIA"

Reklama në FieriWeb - “PIZZA ITALIA FIER”