Vrau 20-vjeçarin në Korçë, pas disa orësh kërkime kapet autori i dyshuar, Kristjan Sterjo
Korçë – Pas disa orësh kërkimesh intensive, policia ka bërë të mundur kapjen e Kristjan Sterjos, i dyshuar si autor i vrasjes së 20-vjeçarit në Korçë.
Sterjo është lokalizuar nga forcat e policisë në afërsi të banesës së tij, pas kontrolleve dhe kërkimeve të zhvilluara në zonë. Menjëherë pas kapjes, ai është shoqëruar në ambientet e komisariatit të policisë, ku do të vijojnë veprimet procedurale dhe hetimore.
Ngjarja e rëndë tronditi qytetin e Korçës, ndërsa policia nisi menjëherë punën për identifikimin dhe kapjen e autorit të dyshuar. Aktualisht, grupi hetimor po vijon punën për zbardhjen e plotë të rrethanave të ngjarjes, motivit dhe dokumentimin e provave që lidhen me vrasjen.
Ky është edhe momenti kur Kristjan Sterjo shoqërohet nga policia drejt komisariatit, pas kapjes së tij në afërsi të banesës.
