KRONIKËSTAR CHANNEL
Zjarri përfshinë edhe Dukatin, banorët pikasin vatrat dhe kërkojnë ndihmë nga autoritetet
Disa vatra zjarri janë aktivizuar njëkohësisht në kodrat e fshatit Dukat. Zjarri është pikasur nga disa banorë, të cilët kanë njoftuar policinë dhe zjarrfikësen.
Ndërsa edhe vetë disa banorë janë nisur drejt zonës, raporton korrespondenti i Top Channel Mikel Marsi. Zjarri po zgjerohet, ndërsa zona është e mbushur me shkurre.
Po ashtu, edhe zjarrfikësja është nisur, por është e pamundur të ndërhyhet me automjete për shkak të terrenit të vështirë.
Kujtojmë se fshati Dukat është në afërsi të Parkut të Llogarasë dhe zjarrfikësit, por edhe emergjencat, qëndrojnë në gatishmëri.
