POLITIKËSTAR CHANNEL
Dështon protesta kombëtare e Berishës, nuk i bashkohen as më shumë se 30 militantë pasdite! Vetëm një grup i ‘flamingove’ pranë Kuvendit
Pasi nuk arriti të mbledhë më shumë se 100 vetë në protestën e paradites për të kundërshtuar reformën territoriale, Partia Demokratike i thirri sërish në protestë militantët e saj.
Në një mesazh që PD u kishte shpërndarë strukturave kërkonte prani më të madhe të demokratëve në protestë pasdite, por duket se militantët nuk i janë përgjigjur thirrjes. As më shumë se 30 veta nuk kanë dalë në protestë pasdite, ndërsa Kuvendi vijon ende punimet dhe diskutimet për territorialen. Ato pak militantë policia i ka zhvendosur në trotuar që mos të bllokojnë rrugën te Unaza.
E njëjta situatë paraqitet edhe te protesta e “Revolucionit Flamingo”. Vetëm një grup qytetarësh vijojnë të jenë të mbledhur pranë godinës së Toptanit.
