BOTA
Pamje apokaliptike nga La Palma, vullkani ka shkatërruar mbi 1 mijë ndërtesa në ishullin spanjoll
Prej rreth 1 muaji ishulli La Palma në Spanjë, i cili çdo vit vizitohet nga mijëra turistë, është “pushtuar” nga vullkani Cumbre Vieja.
Ndërkohë, tërmetet vijojnë të shkundin tokën, ndërsa vullkani vazhdon të nxjerrë llavë nga krateri i tij. Vetëm gjatë ditës së sotme janë regjistruar 21 tërmete, teksa edhe banorët e fshatrave aty afër ndihen të pasigurt në shtëpitë e tyre.
Deri më tani në ishull janë shkatërruar mbi 1 mijë ndërtesa, ndërkohë që ditën e nesërme në ishull do të zbarkojë edhe Marina Spanjolle, që do të ndihmojë me pastrimin e hirit vullkanit.