Ku ndodhen tani yjet e filmit “I vetëm në shtëpi”? Nga suksesi i jashtëzakonshëm te vdekja tragjike

I vetëm në shtëpi’ është pa diskutim një nga filmat më të njohur të të gjitha kohërave, ku deri më sot vazhdon që të ketë fansat e tij. Shumë njerëz vendosin ta shohin e rishohin këtë film për festën e Krishtlindjeve. Por  a e keni pyetur ndonjëherë veten se ku ndodhet tani kasti i aktorëve të filmit ‘I vetëm në shtëpi’.

Macaulay Culkin ishte edhe ylli i filmit i cili fitoi edhe zemrat e shumë njerëzve duke luajtur rolin e Kevin McCallister.

Pas premierës së filmit të parë në vitin 1990, ai mori pjesë në “My Girl” përpara se të shfaqej në rolin e tij si Kevin për herë të fundit në filmin “Lost In New York” në vitin 1992, shkruan Daily Mirror.

Në vitet që pasuan Culkin luajti në sërë filmash duke përfshirë ‘The Good Son’ dhe në “Richie Rich”.

Pas një sërë rolesh në filma jo me shumë peshë, Culkin u “tërhoq” nga aktrimi në moshën 15-vjeçare.

Në vitin 2017, ai prodhoi një komedi të quajtur “Bunny Ears”, e cila tashmë është shndërruar në një faqe interneti në formatin e podcast. Këtë vit, ai luajti në sezonin e fundit të “American Horror Story.”

Pesci luante rolin e njërit prej keqbërëseve në filmin ‘I vetëm në shtëpi’ të cilin çdokush e urrente si personazh. Ai i dha jetë personazhit Harry, përkrah partnerit të tij Marv, të luajtur me mjeshtëri nga Daniel Stern. Në po atë vit që doli te ‘I vetëm në Shtëpi’ Pesci luajti në “Betsy’s Wedding dhe Goodfellas”, duke arritur të fitojë edhe Oscarin si aktori më i mirë.

Në vitin 1999, ai njoftoi tërheqjen e tij nga aktrimi dhe u rikthye në vitin 2006 në filmin “The Good Shepherd” (Bariu i Mirë). Pasi doli në pension ai u përpoq të fokusohej tek muzika dhe publikoi tre albume.

Në vitin 2019 luajti në ‘The Irishman në 2019’, përkrah regjisorit të famshëm Martin Scorsese dhe aktorit të njohur Robert De Niro. Pesci ka një vajzë të quajtur, Tiffany.

Partneri i Harryit, Marvi në filmin ‘I vetëm në shtëpi’, luhet nga Daniel Stern. Ai kishte aktruar edhe në “The Wonder Years dhe City Slickers” në periudhën kohore midis  filmit të parë dhe të dytë të “I vetëm në shtëpi” .

Më pas ai luajti në “Rookie of the Year”, “Bushwhacked” dhe “City Slickers II”, së bashku me shumë të tjerë. Stern vijon të aktrojë ende edhe sot, ku roli i tij më i fundit është “Hulu’s Shrill.” Por përveç aktrimit, ai është edhe një skulptor shumë i mirë, ku veprat e tij janë vendosur edhe në Kaliforni. Ai është i martuar me Laure Mattos që nga viti 1980 dhe çifti kanë tre fëmijë.

Heard luajti babanë e Kevin McCallister, Peter, në Home Alone dhe Home Alone 2.

John Heard ndërroi jetë papritur në vitin 2017 në moshën 71-vjeçare. Ai luajti në filmat si “Gladiator”, “Beaches” dhe “The Guardian”. Përveç kësaj, ai luajti rolin e një detektivi në “The Sopranos” dhe luante një sërë pjesësh më të vogla në produksione të tjera të njohura. Heard ka lënë pas tre fëmijët e tij.

Para se të bëhej pjesë e filmit dhe të luante rolin e nënës së Kevinit, Kate, O’Hara luajti në “Beetlejuice” në vitin 1988. Ajo ka qenë pjesë e filmit “Nightmare Before Christmas” dhe iu bashkua një kasti të mbushur me  yjet e Hollivudit në filmin ‘Over the Hedge’ në 2006. Që nga viti 2015, ajo ka luajtur në “Moira Rose në Schitt’s Creek”, së bashku me një sërë paraqitjesh në shfaqje të tjera televizive si “Modern Family”. Ajo është e martuar me stilistin Bo Welch që nga viti 1992 dhe ka dy fëmijë.

Ratray luajti rolin e vëllait të madh të Kevinit, Buzz, i cili ishte i njohur për talljet dhe ngacmimet ndaj vëllait të tij. Ai vazhdoi aktrimin dhe luajti në “Dennis the Menace” dhe “Strong Island Boys”. Ai ka qenë pjesë e kastit të aktorëve në “Nebraska” dhe “Blue Ruin”. Ratray ka një repertor të pasur për rolet e tij ndër vite. Ai përsëriti rolin e tij si Buzz në një produksion të vitit 2021 të “Home Sweet Home Alone”. Javët e fundit, Ratray ka qenë në qendër të vëmendjes – por këtë radhë për arsye krejt negative– ai është akuzuar se ka tentuar të mbysë të dashurën e tij.

Xhaxhai i zemëruar Frank u luajt nga Gerry Bamman, i cili bënte edhe të qeshurat e tij karakteristike përgjatë filmave të “Home Alone”. Ai vazhdoi të jetë pjesë e botës së aktrimit duke luajtur në “The Bodyguard”, “Runaway Jury” dhe “The Chase”, përpara se të tërhiqej nga aktrimi në vitin 2015. Gjithashtu, Bamman ripërsëriti rolin e tij në “Law & Order”, si dhe u shfaq në një sërë shfaqjesh të tjera. Përveçse një aktor i mirë ai ishte edhe një dramaturg i tillë.

Vëllai i vërtetë i Macaulay, Kieran, luajti rolin e kushëririt të bezdisshëm, Fuller. Ai mori pjesë në një sërë filmash, përfshirë edhe  “She’s All That” në vitin 1999. Në vitin 2002, ai u nominua për Golden Globe si “Aktori më i mirë” për “Igby Goes Down” përpara se të tërhiqej për pak kohë nga aktrimi, ashtu siç bëri vëllai i tij i madh. Së fundmi, ai ka luajtur në “Succession si Roman Roy” dhe ka siguruar një sërë nominimesh në Emmy Awards dhe Golden Globe për këtë rol. Kieran Culkin u martua me Jazz Charton në 2013 dhe kanë dy fëmijë së bashku.