Rritja e pagave të ministrave dhe deputetëve, Balla nga Fieri: Mos bini pre e propagandës…
Ndërsa ka mbledhur në Fier kryetarët e 6 bashkive të qarkut e përfaqësuesit më të lartë politikë, drejtuesi politik i qarkut Taulant Balla në një prononcim për mediat është ndalur edhe tek rezultati i zgjedhjeve dhe kontestimi që dyshja Berisha – Meta kanë për disa bashki të vendit.
Sipas Ballës, në 5200 qendra votimi në të gjithë vendin nuk ka asnjë koment negativ nga opozita, ndaj pretendimet e nxjerra kanë të bëjnë me alibinë e humbjes.
Rritjen e pagave për ministrat dhe deputetët Balla e ka quajtur një propagandë të shëmtuar populiste, në të cilën sipas tij nuk duhet të bjerë pre askush.
Dosja e ish ministrit të mbrojtjes Fatmir Mediu, e shtyrë këtë të mërkurë nga gjykata e posacme, për Ballën është një cështje e mbajtur peng nga drejtësia e vjetër, ndërsa nuk ka nguruar të shty drejtësinë e re të bëjë punën e vetë.
