VIDEO/ Erdogan mban fjalimin e parë pas fitores: Mirupafshim zoti Kemal, faleminderit të gjithëve
Pas fitores së tretë të presidentit Recep Tayip Erdogan në në të jgithë Turqinë ka “shpërthyer” festa. Këtë të dielë Erdogan u rizgjodh presidenti i Republikës së Turqisë me me 51.4% të votave përballë rivalit të tij, Kemal Kilicdaroglu i cili arriti të siguronte vetëm 48.6% të votave.
Ashtu siç pritej, gara mes dy kandidatëve ka qenë mjaft e fortë dhe kjo tregohet edhe nga diferenca e ngushtë mes tyre në rezultatin përfundimtar.
Pas shpalljes së fitores Erdogan ka mbajtur fjalimin e tij të parë duke falenderuar të gjithë qytetarët të cilët i besuan dhe e votuan.
“Ne jemi të dashuruar me Stambollin. Sot këtu është ndryshe. I gjithë Stambolli është ndryshe. Ju përshëndes dhe ju falenderoj nga zemra. Ne përjetuam një festë të demokracisë. Ju dolët në zgjedhje dhe duke pasur parasysh të ardhmen e fëmijëve tuaj shprehët vullnetin tuaj. Ju faleminderit të gjithëve. Nëse doni t’u themi mirupafshim edhe një herë zoti Kemal,” tha ai, teksa më tej theksoi se do të jenë të denjtë për besimin që qytetarët i dhanë.
