PAMJE TË RËNDA/ Përpjekje për të kaluar autostradën në këmbë, qytetari humb jetën pas përplasjes nga “Ford”-i aksin Fier – Vlorë
Ditën e sotme rreth orës 15:50, një shtetas rreth 60 vjeç ka humbur jetën pasi u përplas nga një mjet tip “Ford” në autostradën Fier-Vlorë, në afërsi të fshatit Novosel.
Drejtuesja e makinës tip “Ford”, 44-vjeçarja me inicialet K.Gj ka qenë duke udhëtuar në drejtim të Fierit bashkë me dy pasagjere, ndërkohë që një shtetas (viktima) ka qenë duke tentuar të kalojë autostradën në këmbë, pranë një karburanti.
Vlorë/Informacion paraprak
Sot, rreth orës 15:50, në autostradën “Fier-Vlorë”, në afërsi të fshatit Novosel, shtetasja K. Gj., 44 vjeçe, duke drejtuar automjetin tip “Ford”, ka aksidentuar një shtetas mashkull, ende të paidentifikuar, rreth 60 vjeç, këmbësor, i cili si pasojë e dëmtimeve të marra ka humbur jetën në vendngjarje.
Grupi hetimor ndodhet në vendngjarje dhe po kryen veprimet e mëtejshme për aksidentin.
