Parashikimi i motit, reshje shiu në disa zona dhe temperatura të larta
Prezenca prej shumë ditësh e masave ajore të paqëndrueshme do të diktojë kushtet e motit në territorin shqiptar, ku orët e paradites megjithëse nisin me kthjellime dhe vranësira të lehta ndërsa mesdita dhe pasditja do të sjellin zhvillim të vranësirave duke gjeneruar rrebeshe afat-shkurtra shiu, ku më të fokusuara do të jenë në zonat veriore dhe pjesërisht në qënder, nuk përjashtohen edhe mundësitë e breshërit në zonat verilindore.
Sipas Meteoalb, kjo situatë e paqëndrueshme meteorologjike do të na shoqërojë deri vonë në mbrëmje kur pritet ndërpreje e reshjeve në territor.
Temperaturat e ajrit do të pësojnë rritje në të dy vlerat ekstremale ditore duke u luhatur nga 12°C deri në 31°C. Era do të fryjë e lehtë në tokë dhe deri mesatare në det duke arritur shpejtësinë 28 km/h nga drejtimi Perëndimor, për pasojë në brigjet detare do të krijohet dallgëzim i ulët.
