LAJM I FUNDIT/ Çfarë po ndodh në kampin Ashfrat? Policia rikthehet në Manzë, shtohen masat e sigurisë
Policia ka shkuar sërish për kontroll në kampin e Muxhahedinëve. Dy furgona policie janë vendosur në hyrje të kampit Arshaf 3, ku bëjnë kontrolle të automjeteve që hyjnë e dalin nga kampi.
Policia është e rezervuar për dhënien e detajeve për këtë çështje, por sipas informacioneve kontrollet janë duke u kryer në kuadër të hetimeve që SPAK ka regjistruar ndaj disa prej banorëve të kampit.
Kontrollet në kampin janë në kuadër të luftës kundër sulmeve kibernetike dhe terrorizmit, pasi ka dyshimet se brenda këtij kampi ka persona që ushtrojnë aktivitet të paligjshëm
FieriWeb ka siguruar pamje nga aksioni i policisë mëngjesin e sotëm në Manzë.
Ky kontroll i dytë i policisë, vjen vetëm një javë pas tensioneve që u shënuan në këtë kamp, ku përfaqësues të MEK akuzonin efektivët e policisë për dhunë.
Si rezultat i këtij operacioni janë sekuestruar kompjutera dhe pajisje të tjera elektronike.
Ndërkaq kujtojmë se kontrollet në kampin janë në kuadër të luftës kundër sulmeve kibernetike dhe terrorizmit, pasi ka dyshimet se brenda këtij kampi ka persona që ushtrojnë aktivitet të paligjshëm.
