POLITIKË
Sot rivotohet për bashkinë e Rrogozhinës, Edison Memolla përballë Shkëlqim Hoxhës
Ditën e sotme rivotohet në Rrogozhinë për kreun e ri të bashkisë.
Zgjedhjet mbahen sërish në bashkinë e Rrogozhinës pasi u pranua nga Kolegji Zgjedhor kërkesa e opozitës pas gjetjes së parregullsive në proces.
Në garë janë Edison Memolla i PS përballë Shkëlqim Hoxhës së koalicionit “Bashkë Fitojmë”.
Rreth 33 mijë qytetarë pritet t;i drejtohen 54 qendrave të votimit nga ora 7 deri në orën 19:00.
Rikujtojmë se Kolegji Zgjedhor vendosi të shpallë të pavlefshme rezultatin e 14 majit për disa parregullsi, edhe pse fituesi Edison Memolla kryesonte me një diferencë të ngushtë votash.
