AKTUALITET
Radhë të gjata automjetesh në Kakavie, pala greke punon vetëm me 2 sportele
Radhë të gjata automjetesh janë krijuar në pikën kufitare të Kakavies në drejtim të Shqipërisë këtë të Diel.
Mësohet se shkak është bërë shërbimi i kufizuar nga pala greke, e cila aktualisht nuk po punon me kapacitete të plota duke krijuar vonesa.
Sipas informacioneve pala shqiptare e kufirit është duke punuar me 5 sportele në hyrje ndërkohë vetëm me 2 ajo greke.
Fluksi vjen edhe për shkak të ardhjes së shumtë të emigrantëve të cilët duan të kalojnë pushimet e verës në Shqipëri.
