Përplasi me makinë 10-vjeçarin në Kuçovë, shoqërohet në polici drejtuesi i mjetit! I mituri në spital nën kujdesin e mjekëve
Një aksident ka ndodhur mbrëmjen e sotme në Kuçovë. Një 10-vjeçar me inicialet N.K është përplasur nga një automjet tip Volkswagen, me targa AB 307 KM.
Aksidenti ka ndodhur në hyrje të qytetit,në vendin e quajtur “Lapidari”, tek parku i ri. Mësohet se fëmija ka dalë nga parku me vrap në rrugë dhe është përplasur nga mjeti. Fëmija është transportuar drejt Spitalit Rajonal Berat, ku ndodhet nën kujdesin e mjekëve.
Në vendngjarje kanë shkuar forcat e policisë,që po kryejnë edhe vëzhgime në vendin e aksidentit, për të kuptuar edhe shkaqet e dinamikën e tij. Sakaq drejtuesi i mjetit është shoqëruar në polici, ku edhe po jep deklaratat e tij në lidhje me aksidentit.
Kuçovë/Informacion paraprak
Rreth orës 20:30, në vendin e quajtur “Lapidari”, Kuçovë, një automjet që drejtohej nga shtetasi E.B, ka aksidentuar një shtetas të mitur 10 vjeç, këmbësor.
10-vjeçari ndodhet nën kujdesin e mjekëve, pa probleme për jetën.
Drejtuesi i automjetit është shoqëruar në Komisariatin e Policisë për veprime të mëtejshme.
Grupi hetimor ndodhet në vendin e ngjarjes dhe vijon veprimet hetimore për zbardhjen e plotë të rrethanave dhe shkakut të aksidentit.
