LAJM I FUNDIT/ Aksident në hyrje të autostrades në Fier. Të plagosurit dërgohen me urgjencë drejt spitalit. (VIDEO)
Nje aksident i rëndë ka ndodhur mengjesin e kesaj te diele ne hyrje te qytetit te Fierit në vendin e quajtur “Safari” në Mbrostar Ura.
Dy automjete njëra tip Ford me targa AA 246 JA dhe Mazda me targa AB 910 HX jane perplasur me njera- tjetren dhe si pasojë e goditjes se forte jane lenduar drejtuesit e mjeteve dhe pasagjaret, 10 persona perfundojne ne spital.
Ne vendngjarje ka mberritur menjehere ambulanca e cila ka shoqeruar menjehere drejt spitalit rajonal te Fierit te lenduarit te cilet ndodhen nen kujdesin e mjekeve , fatmiresisht jashte rrezikut per jeten.
Nderkohe ne vendngjarje ndodhet policia dhe grupi hetimor i cili po punon per zbardhjen e shkaqeve te ketij aksidenti.
Fier/Informacion paraprak
Rreth orës 07:30, në vendin e quajtur “Safari park”, Fier, automjeti tip “Ford” me drejtues shtetasin F. B., 61 vjeç, banues në Fier, është përplasur me automjetin tip “Mazda”, me drejtues shtetasin M. Z., 62 vjeç, banues në Ballsh.
Si pasojë e përplasjes janë dëmtuar dhe ndodhen në spital, në kujdesin e mjekëve, dy pasagjere, shtetaset G. G., 25 vjeçe dhe A. B., 56 vjeçe.
Gjithashtu janë dëmtuar lehtë edhe 2 drejtuesit e mjeteve si edhe 6 pasagjerë në këto mjete, të cilët po kryejnë ekzaminimet mjekësore në spital.
Grupi hetimor po punon për përcaktimin e shkaqeve të aksidentit.
