U mbyt në lumin Buna, gjendet pas 5 orëve kërkim trupi i pajetë i 75-vjeçarit
Pas pesë orësh kërkime, polumbarët e Shkodrës kanë gjetur në lumin Buna trupin e pajetë të 75-vjeçarit.
I moshuari dyshohej se ishte vetë mbytur në lumë, ndërsa nga verifikimet paraprake nuk janë konstatuar shenja dhune në trupin e tij.
Vijojnë hetimet për të dokumentuar me prova ligjore rrethanat e kësaj ngjarjeje.
Shkodër/Informacion shtesë
Në vijim të informacionit paraprak të dhënë mëngjesin e sotëm, sipas të cilit, dyshohej se ishte vetëmbytur në lumin Buna, shtetasi N. Ç., 75 vjeç, ju bëjmë me dije se:
Pas më shumë se 5 orësh kërkime të pandërprera, shërbimet e Komisariatit të Policisë Shkodër gjetën në rrjedhën e lumit Buna, trupin e pajetë të 75-vjeçarit, i cili nga këqyrja, u konstatua pa shenja dhune.
Trupi i pajetë i shtetasit N. Ç. u dërgua në IML, për kryerjen e ekzaminimeve të mëtejshme.
Vijojnë hetimet për të dokumentuar me prova ligjore rrethanat e kësaj ngjarjeje.
