KRONIKË
Përfshihet nga flakët kamioni në Lushnje, vetëm disa metra larg pikës së karburantit
Një kamion me targa të Tiranës është përfshirë nga flaket mbrëmjen e sotme në aksin rrugor Lushnje-Rrogozhinë.
Drejtuesi i kamionit ka pikasur tymin që ka dalë nga pjesa e parme e kamionit dhe ka hapur krahun menjëherë në anë të rrugës. Pas tymit kamioni është përfshirë nga flakët të cilat raportohet se u përhapën me shpejtësi.
Mësohet se flakët përfshinë menjëherë mjetin duke krijuar panik te mjetet që kalonin pranë, por edhe te një pikë karburanti që ndodhej vetëm 50 metra larg.
