Është ndërprerë ndeshja eleminatore për kualifikueset në Euro 2024 mes Rumanisë dhe Kosovës. Sfida e Bukureshtit ka filluar në orën 20:45.
Mirëpo një baner i shpalosur nga tifozët rumunë ka bërë që arbitri të ndërpres ndeshjen dhe të dërgojë lojtarët në dhomat e zhveshjes. Baneri shkruante “Kosova është Serbi”.
Gjithashtu ka pasur thirrje dhe kore raciste ndaj shqiptarëve para fillimit të takimit dhe në minutat e para të ndeshjes.
Dihet se rumunët kanë qenë gjithnjë përkrah Serbisë në çështjen e Kosovës dhe nuk e kanë njohur Kosovën si shtet.
