EMRAT/ Kërcënimet nga bandat kriminale, 6 prokurorë dhe 1 gjyqtare janë marrë në mbrojtje të posaçme
Rrëfimi i të penduarit Artan Tafani për planin e grupit të Laert Haxhiut për eliminimin e prokurores së SPAK, Doloreza Musabelliu, dhe prokurores së shkarkuar në vetting të Lushnjës, Merita Selimi, ka ngritur në këmbë institucionet kryesore të drejtësisë dhe sigurisë në vend.
Gazetarja e Report Tv, Keti Banushi mëson se 6 prokurorë, 5 brenda sistemi dhe 1 prokurore e shkarkuar nga vetingu në shkallën e parë, janë marrë në mbrojtje të Posaçme. Po ashtu mësohet se edhe gjyqtarja Etleva Deda është marrë në mbrojtje.
‘Një komision i cili përbehet nga një anëtar i KLP-së një nga Ministria e Brendshme dhe një nga Ministria e Drejtësisë vendos rast pas rasti nëse ka kërcënime prokurorësh, momentalisht që flasim ka 5 prokurorë brenda sistemit që janë marrë në mbrojtje dhe 1 prokurore e cila është larguar nga Shkalla e parë e vettingut. Në total janë 6 prokurorë. Nuk mungojnë edhe rastet nga gjykata, e cila është Etleva Deda. Nëse prokurorët e tjerë kanë shoqërues, Mbrojtja e Posaçme do të thotë se krahas prokurorëve në mbrojtje merren dhe familjarët e tyre dhe u ruhet banesa.’- sqaroi gazetarja Banushi.
Prokurorët në mbrojtje
Kreshnik Ajazi, Elbasan
Ritvan Sulkaj, Elbasan (denimi burg perjete per Capjat)
Albert Kuliçi, Vlore, i vendosen tritol ne makine
Arjan Muça, ndihmës në KLP, tritol në parkimin ku linte makinën në Tiranë
Në mbrojtje se fundi:
Doloreza Musabelliu, SPAK, e kërcënuar nga hetimet për Laert Haxhinë, dëshmia e të penduarit
Merita Selimi (e shkarkuar nga KPK, në pritje të vendimit të KPA), ne Lushnje, ka hetuar fillimisht Laert Haxhinë para se dosja të transferohej në SPAK
Gjyqtare në mbrojtje
Etleva Deda, marrë në mbrojtje për shkak të vendimeve që ka dhënë nga çështjet që ka shqyrtuar vitet e fundit.
Report Tv
