Identifikohen viktimat e aksidentit tragjik në Itali, mes tyre një grua shtatzënë dhe 4 fëmijë
Njëzet e një persona kanë humbur jetën dhe 15 kanë mbetur të plagosur si pasojë e aksidentit tragjik në Itali. Mes personave që humbën jetën në autobusin me turistë që ra nga mbikalimi në Maestres, Venecia, janë një foshnje dhe 4 fëmijë.
Vogëlushja gjermane që humbi jetën në aksident, Charlotte Frommherz ishte vetëm 1 vjeç e 5 muajshe. Viktimë gjithashtu mbeti një vajzë ukrainase 10-vjeçare, Daria Lomakina.
Nga aksidenti u shuan familja rumune Ogrezeanu, të identifikuar si: Aurora Maria, 8 vjeç, Georgiana Elena, 13, dhe prindërit e tyre Mihaela Loredana, 42 dhe Mircea Gabriel, 45-vjeç.
Viktimat e tjera të identifikuara:
Nëntë prej tyre ishin ukrainas, përveç foshnjes Daria Lomakina, humbën jetën edhe Vasyl Lomakin, 70-vjeç, Anastasia Morozova, 12, Yuliia Niemova, 10, Iryna Pashchenko, 20, Liubov Shyshkarova, 20, Dmytro Sierov, 33, Serhii Beskorovainov, 70 dhe Tetiana Beskorovainova, 69-vjeçe.
Shoferi i autobusit Alberto Rizzotto-s, 40-vjeçari nga Treviso, është gjithashtu në mesin e viktimave.
Përveç Charlotte, humbën jetën gjithashtu edhe dy shtetas gjermanë të tjerë Anne Eleen Berger, 32 vjeç, dhe Jonathan Siddharta Grasse, 28-vjeç. Dy shtetasit portugesë Maria Fernanda Maciel Arnaud, 56 dhe Gualter Augusto Carvahalido Maio, 58.
Shtetasja kroate Antonela Bakoviç, 26 vjeçe dhe një afrikano-jugore, Annette Pearly Arendse, 58 vjeç. Kjo e fundit kishte shkuar në Venecia me dy mike të saj mëngjesin e së martës.
Ato treguan se Annette kishte vendosur të shkonte për një turne në Venecia me autobus, por vetë kishin preferuar të qëndronim në shtëpi pasi ishin shumë të lodhura.
E reja kroate që humbi jetën në aksident ishte gjashtë muajshe shtatzënë. Ajo po udhëtonte me bashkëshortin e saj, me të cilin u martua më 10 shtator, i cili ndodhet i shtruar në spital në Mirano në gjendje të rëndë.
