Sulmi me armë në Bruksel, viktimat ishin 2 tifozë suedezë! Dyshohet hakmarrje për djegien e “Kuranit” në Stokholm
Brukseli është tronditur mbrëmjen e sotme pas një sulmi me armë në qëndër të qytetit. Një burrë me veshje portokalli fosforeshente ka goditur me armë duke vrarë dy persona dhe duke plagosur disa të tjerë.
Viktimat ishin me veshje të fanellës së futbollit të kombëtares suedeze. Aktualisht po luhet në Bruksel sfida eliminatore e Euro 2024, Belgjikë-Suedi. Sipas dëshmive atentatori ka bërtitur “Allah Akbar” gjatë sulmit.
Ai është filmuar prej disa kalimtarëve teksa gjuan me armë viktimat me kallashnikov. Më pas ai merr motorin e tij dhe largohet. Ndërkohë policia po punon për kapjen e tij.
Dyshohet se ky sulm vjen pasi libri i Islamit, Kurani u dogj disa kohë më parë në Stokholm të Suedisë duke krijuar mjaft irritim tek shumë prej besimtarëve muslimanë në mbarë botën.
