AKTUALITET
Rikthehet ora dimërore, të dielën flemë një orë më shumë
Duke nisur nga nesër në të gjithë Europën do të fillojë të funksionojë ora dimërore.
Pas mesnatës, akrepat e orës do të lëvizin 60 minuta prapa. Në orën 03:00 të mëngjesit të 29 tetorit, akrepat e orës do të zhvendosen 1 orë prapa, duke shënuar orën 02:00.
Pse kthehet ora pas?
Pas solsticit veror, ditët gradualisht bëhen më të shkurtra.
Prandaj, duke kthyer orën një orë mbrapa gjatë vjeshtës, kjo u siguron njerëzve më shumë dritë dielli në mëngjes. Kthimi i orës përpara në pranverë sjell mbrëmje më të lehta.
Fatmirësisht, pajisjet elektronike si smartfonët, e përditësojnë orën e re në mënyrë automatike.
